دور ای اولان حسنیمدن نشان اوغول قاسم

دور ای اولان حسنیمدن نشان اوغول قاسم

اطلاعات شعر
نام شعر	حسنیمدن نشان
نام شاعر	غمناک تبریزی
قالب	قصیده
وزن	مفاعلن فعلاتن مفاعلن فعلن
موضوع	حضرت قاسم(ع)
مناسبت	ماه محرم
زمان سرایش	قرن ۱۴
زبان	ترکی
تعداد ابیات	13
منبع	غمنامه غمناک تبریزی

دور ای اولان حسنیمدن نشان اوغول قاسم محمدتقی فرهادی امیرخیزی تخلصی «غمناک» تبریزده آنادان اولوب و امیرخیز محله سینده یاشاییبدی. اولاد نعمتیندن محروم اولوب. خیّر و یوخسولارین الیندن دوتان بیر انسانیمیش. 1320 ه.شمسی دن قاباق دنیسین دییشیب و مزاری تبرزده یمیش کی وصیتینه گوره جنازه سین قم شهرینه آپاریبلار و اوردا دفن اولوب. مزارستان و مزاری بلّی دییل. اونون اثرلریندن بیری «گنجینه مصائب»دیر کی چاپ اولوب و دیوان فارسی (مدایح و مراثی اهلبیت) و «لآلی غم» بو ایکی کتابین آدی چاپ اولان کتابیندا گلیب. و الده یوخدی.

شعرین تانیتماسی

بو شعر قصیده قالبینده 25 بیتیده و مفاعلن فعلاتن مفاعلن فعلن وزنینده دی. شاعیر امام حسین(ع)ین دیلیجه قارداشی امام حسن (ع)ین اوغلی قاسمین باشی اوستونده عاشورا گونونون مناسبتینه یازیب. بو شعر روضه (مرثیه) و تعزیه (شبیه) مراسمیدنده اوخونا بیلر. چون حضرت قاسمین اون اوچ یاشی وار و بو غزلدن 13 بیت گتیردیق و لازم نظره گلمدیگینه گوره 12 بیتیندن گوز یومدوق.

شعرین متنی

دور ای اولان حسنیمدن نشان اوغول قاسم!		غریب عموسینی یالقوز قویان اوغول قاسم!
عمون گلوب کمگه آچ گؤزون اوغول! یاندیم		یارالی قلبیمی دور ائتمه قان اوغول قاسم!
دئمه یتیمم آتام یوخدی، یوخدی دادرسیم		سنه وارام آتا تک مهربان اوغول قاسم!
سنه دییردیم اوغول لیک بیرجه قارداشیدون		گؤزیمده نور، دیزیمده توان اوغول قاسم!
بئله حخیال ائدورم قارداشیم ئولوبدی بو گون		بئلیم سینوبدی اولوبدی کمان اوغول قاسم!
اوغول دیم دولانوم باشیوه وَ یا قارداش؟!		ایکی مصیبته اولدوم نشان اوغول قاسم!
ایاقه دور آپاروم خیمیه، یولون گؤزلور،		چوخ انتظاردیدی یالقوز آنان اوغول قاسم!
گلنده چون منه چوخ یالواروب سنی آپارام		ائدوب فراقون اونی ناتوان اوغول قاسم!
گرَک سنی آپارام اکبریله بیر یاتاسور		وئرم سیزون ایکوزه بیر مکان اوغول قاسم!
ایکی عم اوغلی یاتون قان ایچینده بیر یئرده		وئرون ایکوزده بو گون تشنه جان اوغول قاسم!
باساندا باغرینا اکبر جنازه سین لیلا		آناندا تا دئسون ای وای جوان اوغول قاسم!
ایکی اوغولسوز آنا بیرجه سس سسه وئرسون		دویونجا ایلسون آه و فغان اوغول قاسم!
خصوص تاپشیرورام گؤزدن آتما «غمناک»ی		حمایت ایله اونا هر زمان اوغول قاسم!