ملکوت اهلی دی مهمان بشرستانه گلوب

ملکوت اهلی دی مهمان بشرستانه گلوب

اطلاعات شعر
نام شعر	ملکوت اهلی دی
نام شاعر	عباسقلی یحیوی
قالب	مسمط مخمس
وزن	مفاعیلن مفاعیلن مفاعیلن مفاعیلن
موضوع	شجاعت علی اکبر(ع)
مناسبت	عاشورا
زمان سرایش	معاصر
زبان	ترکی
تعداد ابیات	70
منبع	بساط کربلا

ملکوت اهلی دی مهمان بشرستانه گلوب عباسقلی یحیوی (تاج الشعرا) اردبیلی.

شعرین تانیتماسی

بو شعر مسمط مخمس قالبینده و 70 بیتیده و فاعلاتن فعلاتن فعلاتن فعلن وزنینده دی. شاعیر بو شعریده علی اکبر(ع)ین گوزلیگین، شجاعتین و شهادتین نظمه و تصویره چکیب. بوردا اون بیتین گتیردیق و 60 بیتی قالانین بساط کربلا کتابینین 339 صفحه سینده اوخویا بیلرسیز. شاعیر بو شعریده تجاهل العارف صنعتیندن استفاده ائلیوب او جهتدن سوال ائدیر کی بو ملکوت اهلی کی بشترستانه یعنی یئر یوزونه گلیب یا بیر ملکدی بشر شکیلینده عربستانه یعنی عرب ئولکه سی (کربلایا) گلیب.؟

شعرین متنی

ملکوت اهلی دی مهمان بشرستانه گلوب		یا ملک شکل بشرده عربستانه گلوب
بشر کیف بشر اوغلی خرامانه گلوب		بو لطافنده جوان رزمه دلیرانه گلوب
نیه لیلا قویوب آیا اونی میدانه گلوب		نه بشردور نه ملک، نوردی ظلمات اوسته
خلقتاً روحدی سیر ایلیور اموات اوسته		صورتاً جسمدی نه روحدی مرآت اوسته
حیدر ثانیه با کشف طلسمات اوسته		سحر اعدانی شکست ائتمگه مردانه گلوب
بو ملک زاده که سرعتله ایدور طى نُهاج		فکری وار فرعی آتوب ائلیه اصله معراج
کئچه سرحد فنا ملک بقاده قویا تاج		جلوۀ حسنیله روشن ائده جنّتده سراج
گوره لر نور کمشکوة دى رضوانه گلوب		جنّتون آب گلیندن گِل و آبیدی عجین
جدّی تک حسن وجاهتده متین و نمکین		مظهر صورت زیبای رسول الثقلین
هاشمی خال و قمر چهره، درخشنده جبین		شب چراغ علوی محفل جانانه گلوب