گتوردی کوه منایه خلیل، قربانی
| اطلاعات شعر | |
|---|---|
| نام شعر | گتوردی کوه منایه خلیل، قربانی |
| نام شاعر | ذلیل تبریزی |
| قالب | قصیده |
| وزن | مفاعلن فعلاتن مفاعلن فعلات |
| موضوع | عید قربان و عاشورا |
| مناسبت | ماه ذی حجه و محرم |
| زمان سرایش | عصر قاجار |
| زبان | ترکی |
| تعداد ابیات | 24 |
| منبع | گنجینه گذشتگان، ج 51 |
گتوردی کوه منایه خلیل، قربانی محمدجعفر تنباکو فروش تخلصی ذلیل تبریزین شاعیرلریندندی کی قاجار عصرینده یاشاییب و اثرلری عبراتدیر: گلشن حسینی و دیوان فارسی.
شعرین تانیتماسی
بو شعر مثنوی قالبینده و 24 بیتیده و مفاعلن فعلاتن مفاعلن فعلات وزنینده و قربان بایرامی نین حاقیندا یازیلیبدی. بو شعریده حضرت ابراهیمین اوغلی اسماعیلی منا داغینا آپارماغیین نظمه چکیب. بیلمه لی بودور کی بو شعرین اون آلتیمجی بیتیندن صونرا کربلایا گریز ویریب و امام حسین و علی اکبرین شهادیتینه اشاره ائلیوبدی.
شعرین متنی
| یتیشدی مصدر لاریب دن خلیله ندا | منیم یولومدا اوز اوغلون مناده ایله فدا | |
| گتوردی کوه منایه خلیل قربانی | او دم ایدوب اونا مکشوف سر پنهانی | |
| بویوردی حضرت معبودیدن یتوب فرمان | طریق عشقیده من ایلیم سنی قربان | |
| بو امر امر خدادور گرک ائدم اقدام | وصیتین وار ائله ایلیوم بو امری تمام | |
| بو امتحان خدادور یتوب بو امره ندا | اؤز اوغلوون باشینی اؤز الونله ایله جدا | |
| ویروب جواب ذبیح الله:« ای خلیل الله | کسنده باشیمی ائتمه منی یوزیمه نگاه | |
| یوزیمی تُپراقا قوی ای عزیز هر دو جهان | که تُپراق اوسته کسنده قبول اولار قربان | |
| که بیرده باخما یوزیمه محبت ایلر جوش | گلنده جوشه ایدر فیض آتشین خاموش | |
| و بیرده باغلاگیلن ال ایاقیمی محکم | که جان ویرن بلوسن ال ایاق چالار پی هم | |
| کسنده باشیمی چونکه روان اولار چوخ قان | مباد ال ایاقین قانیله اولا الوان | |
| ایدوب وصیتینی چون ذبیح اولوب خاموش | ملائکین سماواته دوشدی جوش و خروش | |
| توکوب ملائکه لر سیل وار گوز یاشینی | گورنده ایستوری کسسون آتا اوغول باشینی | |
| نقدری چکدی پیچاق کسمدی اولوب دلتنگ | ووراندا غیظیله سنگه دو نیم اولوبدور سنگ | |
| گوروب کسر داشی قالدی بو امریده مبهوت | خطاب ایدوب پیچاقا بس ندور بو صبر و سکوت | |
| امین وحیه یتوبدور ندای ربّانی | یتور خلیلیمه فی الفور سن او قربانی | |
| دئ اوغلووین عوضینده اونی فدا ایله | مناده کسماقا قربانی سن بنا ایله | |
| اوغول فدا ایلماق یوخ سنون صحیفنده | اوغول فداسی یازیلمیش حسین شأنینده | |
| گر ایسته سن یته سن سن بو فیض عظمایه | حسین گلشنینه گئت گیلن تماشایه | |
| منای عشقی ائدوب گور نه نوعی گلناری | که هر طرفدن اولور چشمه چشمه قان جاری | |
| باخاندا کربُ بلا سمتینه خلیل الله | منای عشقیده گوردی دوشوب ذبیح الله | |
| بدن یارالی یر ایستی گون ایستی قان آخوری | دگوبدی بیر بیره عالم حرملری باخوری | |
| او قانلی معرکده بیر غریبه حالتدور | ووروبلا خیمه لره اود عجب قیامتدور | |
| دوتاندا اود آلیشاندا یانان زمان خرگاه | ایاق یالین داغیلوب کوهساره آل الله | |
| ذلیل بسدی دایان اولدی قلبلر بی تاب | که عید دور یازاجاقسان بو غمده آیری کتاب |
- ↑ گنجینه گذشتگان، جلد 51، ص 96