ملکوت اهلی دی مهمان بشرستانه گلوب

ملکوت اهلی دی مهمان بشرستانه گلوب عباسقلی یحیوی (تاج الشعرا) اردبیلی.

شعرین متنی

ملکوت اهلی دی مهمان بشرستانه گلوب		یا ملک شکل بشرده عربستانه گلوب
بشر کیف بشر اوغلی خرامانه گلوب		بو لطافنده جوان رزمه دلیرانه گلوب
نیه لیلا قویوب آیا اونی میدانه گلوب		نه بشردور نه ملک، نوردی ظلمات اوسته
خلقتاً روحدی سیر ایلیور اموات اوسته		صورتاً جسمدی نه روحدی مرآت اوسته
حیدر ثانیه با کشف طلسمات اوسته		سحر اعدانی شکست ائتمگه مردانه گلوب
بو ملک زاده که سرعتله ایدور طى نُهاج		فکری وار فرعی آتوب ائلیه اصله معراج
کئچه سرحد فنا ملک بقاده قویا تاج		جلوۀ حسنیله روشن ائده جنّتده سراج
گوره لر نور کمشکوة دى رضوانه گلوب		جنّتون آب گلیندن گِل و آبیدی عجین
جدّی تک حسن وجاهتده متین و نمکین		مظهر صورت زیبای رسول الثقلین
هاشمی خال و قمر چهره، درخشنده جبین		شب چراغ علوی محفل جانانه گلوب